المسقعه ( مسئعه)هاي الاكلة سوتها سعاد حسني لحسين فهمي بفلم موعد على العشاء ان شاء الله تعجبكم لانو طيبه ومكوناتها متوفرة بكل بيت
المقادير / ٢ باذنجان ٢بطاطا مسلوقة تماما
لحم مثروم. بصل ثوم الصلصه البيضاء
جبن موزرلا بهارات
العمل / تقطيع الباذنجان الى شرائح وتنكعي نص ساعه ماي وملح نقلي الباذنجان
سلق البطاطا سلق تام وتقطيعهه دوائر ورشها بقليل من الكركم
نحمس اللحم المثروم حسب الكميه اللي تعجبج اول مره نحمس البصل والثوم مع رشة ملح ثم نضيف اللحم المثروم مع ملعقة طعام معجون طماطه ورشة كركم وسبع بهارات وملعقة طعام دبس رمان وضيفي نص كلاص ماي وعلى نار هادئه تثخن
هسه في بايركس نصفط الباذنجان وفوكا نعناع مثروم ناعم واصب فوكا اللحم المثروم
ثم اصفط فوكا دوائر البطاطا المرشوشه بقليل من الكركم
هسه نحضر الصلصه
في قدر تحطين قليل من الزيت مع ٣ ملاعق اكل طحين احمسهه بس شويه يتغير لونها اضيف ٣اكواب حليب سائل بالتدريج هاي اهم نقطه والا يتكتل الحليب
واحرك الخليط بالمضرب الشبكي اليدوي اللي يستخدم للكيك
هسه اضيف مكعب ماجي وقطعتين جبن كيري الى ان يثخن الخليط بس مو كلش
هسه اصب الخليط فوك البطاطا اللي هي اخر طبقه عفناهه بالبايركس
وابرش فوكا جبن موزرلا والى الفرن نص ساعه لحد مايتحمر والف عافيه
[ندعوك للتسجيل في المنتدى أو التعريف بنفسك لمعاينة هذه الصورة]
