أهلا وسهلا ومرحبا بك زائرنـا الكريـم..
نتمنى أن تقضي معنا أطيب الأوقات وأحلاها ويسرنـا دعوتك للتسجيل يمكنك الضغط على زرالتسجيل لتكون عضوا معنا ..أما اذا كنت عضوا فبأمكانك الدخول بسرعه بالضغط على زرالدخول ... ويسعدنـا أن نكرر الترحيب بك مرة أخرى ..
الأداره




 
الرئيسيةالتسجيلدخولالتسجيل

يسرأدارة منتديات اللجوء والهجره أن ترحب بكم أجمل ترحيب وتدعوكم للحضور المستمر والتفاعل والمشاركه في كافة اقسام المنتدى وطرح مواضيعكم واسئلتكم واستفساراتكم من اجل تحقيق الفائده والمنفعه لكل الاعضاء والزوار الكرام ... مع تحيات الأداره

شاطر | 
 

 ابوذيات عراقيه رائعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ليلى السراج




عدد المساهمات: 236
تاريخ التسجيل: 06/05/2011

مُساهمةموضوع: ابوذيات عراقيه رائعه   السبت مايو 21, 2011 5:28 pm

لعبت الابوذيات العراقيه دورا كبيرا في تطوير الشعر الشعبي العراقي واسهمت بشكل كبير في اثراء الاغراض الشعريه الشعبيه والتعبير عنها بشكل عام وتحولت في الكثير من الاحيان تلك الابوذيات الى ما يشبه الاهزوجات شعبيه يرددها العراقيون فيما بينهم سواء في مجالسهم الخاصه او العامه ... وهذه باقه من الابوذيات العراقيه الرائعه اقدمها اليكم ... مع الود لكم ..

ليلى السراج

باقة ابوذيات عراقيه
========
بسناسل حيل دهري سلسلاني
والا من ربعي واحد سلسلاني
يخلي فراك وجهك سلسلاني
الفظل للثوب ضل ساتر عليه

شتظن كلبي يكتب وصل ليــــــك
وبعد لاتصل يمي وصل ليــــــــك
بعد شكثر اصومنك وصليــــــــك
واكفر لو زعل كلبك عليــــــــــه

نوح وغير نوحي مانساني
وبالشده يصاحب مانساني
بعسر حالي وحمده مانساني
الباري وبس أله مديت اديه

دليلي شكثر من فركاك عانه
ولا صحله صديج بيوم عانه
هواي اصحاب مايسون عانه
وقليله امثالك العدهم حميه

نكرتني والدليل التهب ويذاب
وخصمي وياك خصم الشات ويذاب
صبحت مثل اليسوي زين ويذاب
بشط ولاربح من كل قضيه

ساعة الوكت مشراكة سعافاي
وعلي بجفاك ماتلحك سعافاي
جنت نخلة ويفيلهم سعافاي
وعلى كرصة خبز جيموابيه

كب شخصك مصايب كون صفن
شحارب والشماته هواي صفن
يهل حسنك تراه اسلام صفن
صافن والاسلام تلوم بيه

دحوك بثوب حسنك ونسجنه
بجهنم حبك ارضى ونسجنه
انحبسنة بقفص عينك ونسجنه
وتحط رمشك كلبجات باديه

نطرتة يلوحش خصك علي ما لاح
وكصر حبل المودة اوياك ما لاح
شحط فوك الملح ويصير مالح
ويغزر بالاوكلة بذن ايدية

عيوني من القهر تلفن وصدن
لو يعمن فلا اعوفك واصدن
اصيرن حارس بحلكك واصدن
شرط ماخلي بوسة اطب علية

خطوني وأثرو بيه ولاحوك
وكلت ماريد درجاتك ولااحوك
لأن ماظل بعد فارس ولا حوك
اليجيب هواي ويردة الية

احبك ولمحبتي ليش تنكر
ويلتكرني يجيلك يوم تنكر
راح اشرب عرك بجفاك تنكر
وبطل شيفاز العوازة الية

ردت كلبي يتكطع بك ويهلاك
ناس بوجه وانتة جم ويه لاك
عجيبة من صرت ضدي وي هلاك
عصابة ودرتو شو كلكم علية

حياتي الحلوة من بعدك شمرهه
وعيني بنار هجرانك شمرهه
روحي الطف صفت وانتة شمرهه
وتضحك جاي جايبلي المنية
الرجوع الى أعلى الصفحة اذهب الى الأسفل
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الجمعة يونيو 03, 2011 2:40 am

السلام عليكم
عاشت ايدج اخت ليلى
ابو ذيات رائعة
تقبلي تحياتي
Echo 9
وهاي مجموعة من الابو ذيات منقولة لشعرائها



عطا السعيدي
منهو الكدرك يا زين ..من ساك
يبو ثغر البعود الارك .. منساك
انة بحتف المناية وكلت .. منساك
بنهر جسام وذكرك عصف بية
ـــــــــــــــــــــــــــــــــــــــــــ
رحيم المالكي
زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة
ــــــــــــــــــــــــــــــــــــــــــ
احمد الذهبي
وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّة
ــــــــــــــــــــــــــــــــــــــــ
احمد الذهبي
تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية
ــــــــــــــــــــــــــــــــــــــــ


[b]


عدل سابقا من قبل echo 9 في الثلاثاء يونيو 21, 2011 1:19 am عدل 1 مرات
الرجوع الى أعلى الصفحة اذهب الى الأسفل
شمعــــــه

ADMINISTRATION

عدد المساهمات: 2745
تاريخ التسجيل: 06/04/2011

مُساهمةموضوع: رد: ابوذيات عراقيه رائعه   الجمعة يونيو 03, 2011 4:10 pm

الاخ echo9

سلمت يداك على هذا الابداع ... والى المزيد ...

المدير العام
الرجوع الى أعلى الصفحة اذهب الى الأسفل
http://refu.yoo7.com
ليلى السراج




عدد المساهمات: 236
تاريخ التسجيل: 06/05/2011

مُساهمةموضوع: رد: ابوذيات عراقيه رائعه   الجمعة يونيو 03, 2011 4:24 pm

شكرا جزيلا اخي ايكو .. وبصراحه الابوذيات اللي كتبتها انت اجمل واحلى .. وعشت على هذا الاختيار واتمنى اشوف ابداعاتك الجايه ..

تقبل تحيات اختك المشرفه ليلى
الرجوع الى أعلى الصفحة اذهب الى الأسفل
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الثلاثاء يونيو 21, 2011 1:17 am

السلام عليكم
الف شكر اخت ليلى
الف شكر اخي المدير العام
بارك الله بجهودكم

سنة دمعي ترس خدي سنة سال
سنة بحبال جتفني سنا سال
سنة مجنون سواني سنة سال
سنة هدني وظل يلعب عليه
xxxxxxxxxxxxxxxxxxxxxxxxxxxxxxxxxx
يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه
xxxxxxxxxxxxxxxxxxxxxxxx
-------------------------------------------------
الزمان وي الأجواد بسكَم كَصرن
ويبني بيوت للأنذال كَصرن
الكَصير يطول وال بي طول كَصرن
الصكَر يطلب من البومه هديه

[b]
الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الأربعاء يونيو 22, 2011 8:31 pm

السلام عليكم
عاشت ايديكم اختي الارمنية والاخت ليلى السراج


نحل جسمي وزاد اليوم مرضاي
على اللي ما شفت له شخص مرضاي
لو بات الترف بحشاي مرضاي
اكَله اكَرب يهل مبعد عليه

[b]
الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الجمعة يونيو 24, 2011 12:31 pm

تسلمين اختي الارمنية على هالدارميات
وهاي ابو ذية لعيونكم

هله ابوجهك يبعد الروح من هل
وغير اشفاك ابد ما اريد منهل
فديتك لاتعذب القلب من هل
دلال ورد يبعد اجلاي اليه




[b]
الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الخميس يونيو 30, 2011 2:29 am

أنا بدنياي عيبن شفت راحات
وعلي مرت ليالي العسر راحات
أجيبن هاي كَالوا ذيج راحات
أخافن بالقيامة ذيج هيه

xxxxxxxxxxxxxxxxxxxxxxxx

نحل جسمي وتظل روحي تعالي
هبطنه والنذل بينه تعالي
يجاره الدهر ما انصف تعالي
نخلط همومنا ونجسم سوية

الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   السبت يوليو 02, 2011 3:09 am

انتي العايشة اختي الارمنية وتسلمين على هالابوذية الرائع

أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية
الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الأحد يوليو 03, 2011 1:41 am

تكتًر شلّك بعذلي ونهواي
اشتظن تكَدر تطفيني ونهواي
حريمه اشتم هوى الغربه ونهواي
اليرد روحيتي من الناصريه

الرجوع الى أعلى الصفحة اذهب الى الأسفل
كاتب هذه المساهمة مطرود حالياً من المنتدى - معاينة المساهمة
echo 9




عدد المساهمات: 119
تاريخ التسجيل: 03/06/2011

مُساهمةموضوع: رد: ابوذيات عراقيه رائعه   الإثنين يوليو 04, 2011 1:18 am

أحبابي اشلـون حــالتــكم بعدنا
اشبدينا والوكـت عنـــكم بعدنا
إذا انتم نسيتونا بعدنا
أبذكركم كل صباح وكل مسيه

xxxxxxxxxxxxxxxxxxxxxxx

نقل طرف الجذيله وحـــــيل يرها
حجي الغالب على المغلوب يرها
أنا روحي أشعره والمجنون يرها
لون عــــاقـل تــرك منـــها بـقـيه


انتي العايشة اختي الغالية الارمنية

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 

ابوذيات عراقيه رائعه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 ::  ::  :: -