امنيات العام الجديد
تتعدد الامنيات وتتنوع بين الناس ولكن تبقى امنيات الازواج والزوجات اغرب واعجب واطرف الامنيات ...وهذه بعض منها ..
1
الزوجه : حبيبي شنو تتمنالي بالسنه الجديده ؟؟
الزوج : اتمنى ترجعين لبيت اهلج
2
الزوجه : شنو راح اتسويلي على العام الجديد
الزوج : راح اسوي فاتحه على روحي
3
الزوج : تدرين شنو اتمنى للسنه الجايه ؟؟
الزوجه : اكيد تتمنى اني وياك طول العمر
الزوج : لا حبيبتي اتمنى اهج وما ارجع بعد
4
الزوجه : حبيبي اني اشكر الله العرفني عليك وخلاني احبك
الزوج : واني هم اشكر الله العرفني عليج وعلى ذيج ساعة السوده الشفتج بيها
5
الزوج : حبي بمناسبة راس السنه راح اروح ابدل قنينة الغاز
الزوجه روح حبيبي الله يفتحهه بوجهك
6
الزوجه وهي تصلي وتدعو : ياربي وفق زوجي بالعام الجديد وانطيه رزق جبير وفلوس هوايه
الزوج وهو ينظر من ثقب الباب : ربي لا اتصدك بيها جذابه تريد تخمط فلوسي
7
الزوجه : حبيبي اليوم راس السنه واريدك اتسمعني كلمة حلوه
الزوج : زلابيه
الزوجه : اريد كلمه اتهزني هز
الزوج : مراجيح
الزوجه : يعني قصدي اريد كلمه اتخليني احس اني مرتك
الزوج : انتي طالق
8
زوجه راحت لمركز الشرطة تبلغ على اختفاء زوجها بليلة راس السنه فسألها الضابط شنو اوصافه للزوج ؟؟؟
الزوجه : شعره اصفروعيونه زرقاء وطويل .. الطفل ويا الام قال ماما هذا مو بابا
الزوجه ولك ابني اششششش اسكت بلكي يبدلوه بواحد غيره
وكل عام وانتم بخير
للأمانه .اربع نكات مخموطه من اخونا الغالي شمعه والباقي مالتي
سمير
