شوربة الآش

شوربه الاش او شوربه اشكال او (شوربه الامام زين العابدين)
مكوناتهه 500 غم لحم +500 غم تمن عنبر+100 غرام حمص+100 غرام عدس+100 غرام باقلاء مفلسه+100 غرام عدس اسمر+100 غرام بزاليا+100 لوبيا حمره+100 غم فاصوليا بيضه+شويه شبنت وسلق ومعدنوس وسباكتي ومعكرونه —

اول شي لازم يكون الحمص والفاصوليا اللوبيا منكوعين من قبل ليله وبعدين نحط كل البقول على النار مع اللحم الى ان تستوي علنص

بعد ماتستوي البقول علنص نضيف التمن —
عله صفحه نحمس بصل شرايح كميه زينه الى ان يشقر

ونضيف البصل علشوربه ونقلب —
نضيف شويه شبنت مثروم
نضيف معكرونه وسباكيتي
وبعدين نضيف البهارات الي هيه فلفل اسود وكمون وكاري وكركم
ونضيف السلق المثروم بشكل شرايط
ونتركهه على نار هادئه مع التقليب المستمر

واخر شي نضيف الملح طبعا حسب الذوق —
شوربه كلش طيبه وتعتبر وجبه متكامله

معقولة ست لولي متعرفين شوربة الآش؟ليش اكو عراقي ميعرفها لو مماكل منها؟ لو اكو ام عراقية مطابختها؟
وبالنسبة الى كثير دسمة فاعتقد كل اكلنا العراقي والعربي بشكل عام يكون دهين ودسم
بس احنا باغلب الاحيان دائما نحاول نخفف من نسبة الدسم والدهون عن طريق التغيير بالمكونات بشكل ميأثر ع الطعم مثلا استعمال الزيوت بدلا من الدهن
الحر او الزبد واستعمال اللحوم البيضاء اكثر من الحمراء وهكذا
اتمنى تجربوها وان شاء الله تعجبكم والف عافية مقدما

عيني rrnnaa
لولي حاله خاصه من بين العراقيات والعراقيين كولهم لانه ما شاء الله عليها تنسى الريوك من تتغده وتنسى الغده من تتعشه وتنسى العشه من تتريك ثاني يوم ولا تعتبين عليها لان لولي ماكو دوله دخلت بيها اذا ما هجمتها هحم راسا على عقب وطلعت من الكويت الى ليبيا الى سوريا  الى تركيا والباقي الله واعلم يمكن تروح امريكا وهم تهجمها ...

يعني باختصار لولي احسن مفكرة نسيان .. 

rrnnaa كتب:

معقولة ست لولي متعرفين شوربة الآش؟ليش اكو عراقي ميعرفها لو مماكل منها؟ لو اكو ام عراقية مطابختها؟
وبالنسبة الى كثير دسمة فاعتقد كل اكلنا العراقي والعربي بشكل عام يكون دهين ودسم
بس احنا باغلب الاحيان دائما نحاول نخفف من نسبة الدسم والدهون عن طريق التغيير بالمكونات بشكل ميأثر ع الطعم مثلا استعمال الزيوت بدلا من الدهن
الحر او الزبد واستعمال اللحوم البيضاء اكثر من الحمراء وهكذا
اتمنى تجربوها وان شاء الله تعجبكم والف عافية مقدما

.

والله ما اعرف هيك اسم شوربه ؟وبيني وبينك لاتقولين الى حد انا مش طباخه ماهره 


هسه اجربها لكن مو داخله راسي شلون شوربه وبيها رز وسباكيتي وفاصوليا ولوبيا وباقلاء؟

هسه اخابر صديقتي بلكي تعرف شوربه الاش .

 

الاخت rrnnaa

تسلمين

 

ليلى السراج كتب:

الاخت لولي

ممنوع الردود العشوائيه او الردود الخاليه من المعنى رجاءا .... شوربة الاش معروفه يمكن انتي ما سامعتها  يا اختي لانك ما تعرفين الطبخ العراقي واي رد عشوائي سيحذف فورا رجاءا وخلي الردود بشكل طبيعي رجاءا ...

اعتذر عن ردودي مره اخرى مدام ليلى .انا اسفه فوالله وحيات هذه الليله المباركه لم يكن قصدي الا فكاهه ومزاح 


انا دائما اتعلم من منتداكم الشي الكثير  

الان صرت اعرف اكلات عراقيه من منتداكم اللي هو احلى منتدى بالعالم 

لولي