شحجيلك على ولد الوكت

السلام عليكم شلونكم اخواني عندي نص جديد

اتمنى ينال رضاكم واهم شي متزعلون مني

النص يحجي عن بعض شباب هالايام تابعوا وانطوني رايكم

شحجيلك على ولد الوكت ولله الدنيه خربانه

يمشي مكفكف ردانه ومدكدكه اشكال الوان ذرعانه

ومن يشوفله بنيه يصيرمشيه بختره جنه عنتر زمانه

حت ابوزيدالهلالي لوشافه ايكول منين هالبطل جانه

مكلد بكومة حدايد وتراجي تلمع بذانه

من كثر العشك والنوم خدوده مورده جنهن فرط رمانه

بس تدري المصيبه شلون ماكوفلوس بجيابه ع الدوم فضيانه

داير بس ايشدرصيدللجوال حباته دوم خلصانه

يرمش لسوسو ويدك على دادي ويحجي وياجمانه

ومن يوكف عالمرايه يدهن جل تخبل كثرة ادهانه

امه لوطلبت غرض للبيت ميطيع لوتروح يم اهلهاحردانه

ويركض ركض للبنوات لوطلبن شمارادن حاضريجي مجانه

شغلته ايصجم بلدروب هوه وابن جيرانه

حتى لوشافتهم بنيه تضل ع الدوم حيرانه

لك يصويحب احجيلي كلامي صح لو شايف بيه ادانه

لكن اني شرداكول جيل آخر وكت تنصح بيه ميفيد نصحانه

بس اكول الله يسترنه من اعور الدجال واعوانه

بقلمي اخوكم حميد العيسى

صح لسانك العيسى
اي والله صح مو كولهم بس اغلبهم وعلى فكرة
العدوى وصلت للبنات كمان .. ما اكول غير اردد عبارتك

بس اكول الله يسترنه من اعور الدجال واعوانه

تسلم ايدك
تحياتي

رائعة
ياحميد العيسى
كلام حلو ومنمق ومموسق ويدغدغ المشاعر
ساتابع عن نتاجك الجديد
بأنتظار جديدك
مع كل الود
^
^
^
من أخوك