حلاوة الدهين او المكاوية

حلاوة الدهين او الدهينية او المكاوية مثل ما قبل كانت تسمى  بس بتغيير بسيط بالمقادير
المقادير :1وربع ك ماء+3ك سكر+2 م دبس تمر+1\4 كوب دهن
3و1\2 ك طحين +رشة ملح +1و1\2كوب مبروش جوز هند +دهن لدهن القالب +1 ك جوز صحيح خليته بالوسط مثل حلاوة الي تنباع بالكاظمية
العمل:القالب يكون قطره 25 سم عندي قالب المنيوم وحمصت بيه المبروش مع الدهن الي دهنته بيه ووزعت الجوز هند المحمص بالتساوي بالقاع وشوية الجوانب
خلطت الماء والسكر والدبس والدهن على النار الي ان يذوب السكر وقبل ميبدي يغلي نطفيه عليه وابدأ بأضافة الطحين كوب ورة كوب وبمضرب الشبك اقلب حتى يتجانس تمام ومننسى رشة الملح وبعدها صبيت نص الكمية بالقالب ووزع الجوز بالوسط طبقة كاملة ثم صبيت الباقي فوق الجوز ودخلته للفرن علة درجة 150-160 لمدة ما بين 40 دقيقه الى ساعة كاملة بعدها طلعتها وشوية تركتها لمدة ربع ساعة وبعدها قلبتها الماعون تركتها مدة كافية لحد متبرد تمام اني سويتها بوقت السحور واكلناها ثاني يوم .
وان شاء الله تسووها وتاكلوها بالف عافية

[ندعوك للتسجيل في المنتدى أو التعريف بنفسك لمعاينة هذه الصورة]

يسلموووو ايديكي
عندي سؤال حبيبتي
هي لازم تنفخ متل الكيك ولاشوي تكون اثخن من عجينة الكيك؟

لا عيني هيه متنتفخ
يصير داخلها حلاوة عادي مثل اي حلاوة ووخارجها مقرمش
حبيبتي هيه نفسها الحلاوة المكاوية الي موجودة  بالكاظمية وبكربلاء والنجف اني نزلت كل اسمائها المعروفه عدنا معقوله بعدج معرفتيها ؟؟؟
المشكله مداعرف انزل الصور جان نزلتلج صورتها حتى تتذكرين شكلها
والف عافيه مقدما

تسلمي حبيبتي بس انا مابعرفها ولاعمري دقتها
بس انا بحاول اتعلم اكلات وحلويات عراقية لانه زوجي عراقي
انا عمري مارحت عالكاظمية معلش اتحمليني ازا دايقتك بأسألتي
شكراً

اختي العزيزة نتشرف بك وبزوجك واحنا كلنا اخوة بس والله تصورت عراقية
وبالعكس ما اتضايق منج انتي اخت عزيزة وان شاء الله تصيرين احسن طباخة اكل عراقي

الله يخليكم شكراً كتير كلكم زوء والله
انشاءالله اصير اطبخ عراقي
بحاول مرات تفشل ومرات تزبط
 

اشكرك يا مدام ليلى على تشجيعك الي
وبشكر مدامrrnnaa كمان
بنعيش وبنتعلم
 

بيسلمو بيجنن الحلاوه جربتها

لكن السعرات الحراريه بها كثير   
  


لولي ني هاو ميتسوبيشي نيسان الترا دبل قماره تشريب باقلاء وحلاوه طحينيه بالسمن البلدي