زهيريات من العراق والخليج العربي - شاركونا

حياكم الله اخويه العزيز ايكوا ناين ماعليكم زود انتوا الاحسن هذا بيت زهيري على الاخ والصديق واي شي غالي انته ماتسميه او توصفه
وراح انفقد منك

حزنت لشانك كهوتي ودلالي وربعي
وانت ربيع العمر وبيكم زهر ربيعي اي \الربيع
مسلول ناحل جسم ضليت بس ربعي

وايام حلوه معاكم من جفيتوا جفن
وجروح الك بالكلب ماضمدوهن جفن
بله مو من صلاده كلب ماهل عليك الجفن


حابس دموعي خايف تنكسر ربعي


وسلامه السامعين

شكرا لكم على موضوعكم الجميل وهذا الزهيري لشاعر عراقي لم اتوصل لأسمه
حقيقة انني ضعيف جدا بالزهيري هذا اللون الجميل لكن حبيت انقل لكم هذا الزهيري
تحياتي


راح وكسر خاطري ولملم طيوفه وشال
ونهر المحبه نشف ظلت جروفه وشال
الزمن ما عافني رد عالكفوف وشل
ما عفت حبك انا گلبي على گلبك ظل
عالهجر شو تعتني عالوصل دومك ظل
بچتافي اغطي الشمس بالصيف اصيرن ظل
لو مر عليك الشتا لفني على صدرك شال



حاير حبيبي الك شكتب وشرسل ورد
تمنيت كون أوصلك ونطيك كلبي ورد
بالروح حبك زرع بستان خضرورد
وسهام حبك صفن بالكلب ميه والف
بس أنت ولفي صرت ما عندي غيرك ولف
لو أبقى طول العمر أفتر ودور ولف
ما ألكى مثلك محب أروى بحنانه ورد




منقول

أبن خير

السلام عليكم شلونكم ياهلي ياعرااقين ياناس ياطيبين

أحبائي العزيز شمعه \ابن خير \ايكوا\ الارمنيه

عاشت ايديكم على هاي الزهيريات الرائعه



وحبيت اقدم الكم هذا زهيري اجا على ولد صديقي بيوم العيد




الناس تركب هدشته العيد وتراب
وطور التهاني يعزف اشجان وترابي
وحزني تلايم على الدلال وترابي


منذ الطفوله مايوم اليالي انصحت
لاينفع ابجاي لاينفع وعويل ان صحت
كلت اجيه العيد تاشوف الغوالي ان صحت
لكن حسافه غشاهم ساف وترابي

طبعا ها كنا كاعدين اني وياها وبيوم العيد وتعرفون شكد مراره الغربه تظهر بوضوح بهيج يوم
ولكن لله المستعان تحياتي الكم وننتظر المزيد من روائعكم




اخوكم العاشق_1111

هاي شنو صايرة كض اخوك لا يتيه سهلة اسهل منه ماكو !!!

سمير صبيح يكول

مو ذاك الوكت والناس غير الناس
كله تبدلك والصاحب تبدل
كلت ما روح اكله وغشني بيه العوز
ما اعثر بعد وبخطوتي اتمهل
عله وجهه شفت مكتوب المن جاي
وعله اللسانه تلعلع كلمة ادلل

انفس البشر خطوات للتابوت

بعد ماضل عمر يستاهل اتوسل
من كثر الطعن صار الكلب غربيل
حطيت الربع بس مايهم وشل



اجلب حديد الزمن مبرد ونه منجلي
بس جيت الموت مامنهه ابد منجلي
يكولون ليل الحزن لابد وان منجلي
وتطلع علينه شمس لمن وكته يحن
وجف الهجر حنته بالحنه يرجع يحن
يفلان تدري شوكت كلبك عليه يحن
لمن عله السنبله يعطف كلب منجلي

هاي مجموعه رائعه للاسف ما اعرف من قالها انشالله تعجبكم
يا ما سكاك الشهد ما ضوكك مره
يتمنى كبل الاجل يلكاك ولو مره
بس انته كلبك صخر ما لحظه حنيت
وانه لالك ديرتي بيبانها حنيت
من شفت بيك الالم ظهري الك حنيت
طيبتي يم شوفتك وجهك علي مره


بطرواك طول العمر صبح ومسه ذاكره
ولدكول عني بعد هذا الولف ذاكره
كلبي ناسي وامس بالطيف اجه ذكره
طالبني رغم الجره بحنينه خايب شحن
ودموعي جي سافرت بعيوني صدك شحن
نقالي عالشاحنه ومن كال تم الشحن
كلت ارسله الروح جاوب ممليه الذاكره


يولفي اسكيك مــــن طب العرب والهند
روحي وجروحي وكلب تبجب بدمع والهند
من كالو ولفك مرض عاف الدرس والهند
ولفي يوافي يدرس هندسه وطـــب وجبر
وما يترك المدرسه لــــو لاعليل وجبر
مكسور كلب الولف بــــس بلكلب ما جبر
شايف مجبر يخي حــــــن علكلب والهند





عيد انت تفرح وانا لامــــر فرح لاعيد
واسهام ثكلك علــــي لحسب انا لاعيد
وارجع انــــا بدنيتي واتحذرك لاعيد
من شفتك اني وطحت طـب للكلب ناظرك
وارضيت احسب واعد طول العمر ناظرك
غلطه اني من اعشكت طالب وانا ناظرك
لرجع لذاك الـــــوكت واتحذرك لاعيد


يامن نسيت اللذي ابعمرة الك خاطرة
بالجذب مامر على بالك ابد خاطرة
وانة بدموع الهجر كاتب الك خاطرة
صدكني هذا الكلب غيرك ابد ماهوة
ضل عالي علو النجم حبك ابد ماهوة
بالله اريد اسألك عن السبب ماهوة
الشايل حنينة الك ليش اكسرت خاطرة


ياخوي الوكت نوعين بايي زينات والحنظل
عدنا اوقات بـس للخير والزينات والحنظل
وعدنا اوقات ما تنطاك للشينات والحنظل
اريدك تعرف اـوكتين وتزيد الصبر والحلم
واريدك ما يكودك طيف للشينات وانسى الحلم
واريدك بس تصحب الزين وابعد غاد عن الحلم
يحرك خصــن زيتون جي طعم الورك حنظل


مهضوم طول العمر بكل وكت لوعةلي
ومتماشي وية الحجي ان جان الي لو علي
ماهمني ذاك السعة بس فلدرك لوعلي
بس همني ذاك العلة وبقسمتة مرتضة(ما رضة)
ويكلي اميرك فنة وعظامة رض مرتضّة
كتلة انا بشدتي لو مافزع مرتضى
يفزعلي لوابو الحسن لوحيدرة لوعلي



يامن غرامك سرى بمفاصلي وحشاي
واصبحت بهواك هايم بالفلا واحشاي
وان غبت عن ناظري ساعة الك وحشاي
گلي الصبر چيف عن فرگاك كلو الوجن
ارحم لصبي شرد بهواك عگله وجن
او آه صح لي ساعة من وصالك وجن
من ورد خدك دوى لمفاصلي وحشاي



هيكون سجل هدف هنري خطف ... عادلة
بويول زاد الجرح ميسي القنص ...عاد الة
انيستا ابد ماسكت والسكتة مو .. عادة الة
يل بيك طبع الاسد من يشبهك ... بالطبع
البرشا دوري ضمن والكاس الة .. بالطبع
واهدافة مو ستة امس صاير غلط .. بالطبع
13 كول ادخلن باللعبة لو عادلة ...

السلام عليكم
- اختي الغالية الارمنية ان شاء الله الليلة طالع لعمان , شكرا لحضرتج يا طيبة .وتقبلي تحياتي