رد: أبوذيات من عبدالله محمد

أخي العزيز عبد الله محمد.....
الله يوفق ابنك محمد بدراسته ويرجعلكم سالمآ غانمآ بعون الله تعالى
وعاشت ايدك يا مبدع ...

تحياتي
فرحان

عاشت ايامك اخي شمعه

ادامكم الله اخوة لي
شاكر لكم المرور والدعاء

+1

غريبه بيه العدى ساويت
وانه شماردت مني سويت
تاخرت عليك؟ so what
حبيبى تبقه ولاهنت مره عليه

خلاص بعد بيك ابد مهتم
مويمك جنت وانته دوم مهتم
اثاري انته جنت بالغير مهتم
وانه مثل لعبه وتتسله بيه.

شبيهم احبابي لاحس لا خبر منهم
هم كل الغلى بس مايعرفون من هم
من بعدهم مغموم الكًلب منهم
بعاد واخاف البعد يغيرهم عليه

على الفرقه تصبر ياقلب جنت احسبك
صلب وكت الشدايد جنت احس بك
من دمعة عيونهم جنت احس بيك
تذرف النبضات من كثر الاذيه

شكرا لولي ادامك الله

اخي شمعه حبيت اتشاقه وياكم واسوي وحده بين العربي والانجليزي

شاكر مروركم جميعا

لو خيروني بالذهب والوزان
مابدل بغيرك ابد ولوزان
جم واحد قبلك علي زن
بس ماكًدر يحط ايده بيديه

اخي عبد الله

اولا الشطر الاخير ( بس ماكدر يحط ايده بيديه ) غير متوافق ابدا مع الوزن الموسيقي .. والمفروض يكون كالاتي:

بس ما كدرت تحط ايدك بيديه ...

السبب لان الابوذيه هذه هي خطاب مباشر مباشر للحبيب بينما الشطر الاخير الذي انت كتبته هو خطاب مباشر للسامع وهنا اختلف الوزن الموسيقي تماما .. بينما التصحيح الذي كتبته لك يتوافق لانه خطاب مباشر للحبيب نفسه ..


ثاتيا : خصصنا لك موضوع تحت عنوان ابوذيات عبد الله نرجو ان تكتب فبه ابوذياتك كلها ولا تكتبها في مواضيع منفصله لكي تتجمع كلها في موضوع واحد ولا تتبعثر ..وسنضطر الى نقل هذه الابوذيه مع الموضوع بعد ان تقرأ هذه الملاحظات


تحياتي
شمعه

شمعه

اخي شمعه ماي عيني
انا ارى بالعكس انه رد على الشطر الثالث
جم واحد قبلك علي زن
بس ماكًدر يحط ايده بيديه

اما بالنسبه لوضع الموضوع هنا فلاني تعودت من السابق لكن مايكون خاطرك الا طيب

اعشق الفاء والالف والطاء والميم والها
يابعد الروح ترى الروح شكد الك ولها
روحي والكًلب فدوه لبسمتك والها
اترجى كل صبح ومسيه

فراكًك يبعد الراح منه صـــــــــحنه
ريت الوكت عاد نسمع من نصحنه
يدري صعب فركًاك من نصحنــــه
ويدري دنياي بتصير سوده علـــيه

عاشت الايادي



سمير

اخوي سمير وينك غايب
لك وحشه
تصدق احسك قريب مني روحك مرحه
الله يوفقك

وحق الله ورسوله ........ ولأيات
دورت عالفرحه بين شكثر ولايات
كلما انشدت عنهه قالوا ... ولايات
وينج يافرحه ردي عليه

رفعت ايدي بالدعا لله ....وناجيت
الك يارب وجهت وجهي وناجيت
اسألك ترفع الهم عني ... وناجيت
الك لان ماكو غيرك يشفج عليه

الاخ عبدالله

عاشت ايدك ابوذيه جميله .... ولكن ... ارجو منك الانتباه للمره الثانيه بوجود موضوع لابوذياتك تستطيع ان تكتب فيه الابوذيات لكي لا تتبعثر والموضوع بعنوان (ابوذيات من عبدالله محمد) وتستطيع الدخول عليه على الرابط التالي

[ندعوك للتسجيل في المنتدى أو التعريف بنفسك لمعاينة هذا الرابط]

ارجو منك مستقبلا كتابة ابوذياتك في هذا الموضوع لطفا ..

سمير

صار عيني بس لا تزعل

احبكم وبس

اخي شمعه , تحياتي لك وللاخوه والاخوات جميعا
نعتني بالشاعر , شكرا على الاطراء ولكني لست بشاعر ولكني مازلت اتعلم واحاول اكتب الابوذيه
لاني اعشقها وكثيرا ما احس انها تعكس مابداخلي واتمنى ان اتقنها
وزادني عشقا لها بعد زيارتي للعراق هذا العام والعام الماضي للزياره واتمنى من الله ان يوفقني
للزياره الاربعينيه القادمه .
كلي امل في التوفيق لانني تعرفت على اناس احببتهم في الله ولا ازال اتواصل معهم .
رجائي منكم الدعاء بالتوفيق للزياره .
طيبة كًلبهم زودة غلاهم ....
اسأل الله ارد والقاهم.
تحياتي لكم احبابي ,
عبدالله

صورتك عندي غوشت بدت تختل
علي شفت نفسك وبجمالك صرت تختال
انصحك تكعد بروحك وتختل
ترى غيرك صبح اقرب اليه.