اخواني واخواتي رجعتلكم بعد غياب طويل وهاي اول مشاركه بعد رجوعي من جولتي العالميه اللي بديت بيها من قبل سنتين سباحة من جسر الائمه بين الاعظميه والكاظميه وكصيتها سباحه الى شط العرب ومناك دخلت عدل على الخليج العربي وافتريت بعدين على المحيط الهندي وطبعا ما اريد احجيلكم شلون الدلافين هناك كلها جانت باستقبالي بس انا ما ردت احرجهم ولذلك عفتهم وطلعت كبل على المحيط الاطلسي بس اضطريت اقلل السرعه مالتي بالسبح من 220 ساعه بالكيلو الى حوالي 160 ساعه بالكيلو لان كل القروش بالمحيط جانت واكفه ومتجمعه تنتظرني حتى تستقبلني والازدحام ما تتخيلوه فخفت واني طاير بسرعتي العاليه هاي ادعم القروش ويروحون بيها ضحايا وحرام الله ما يرضه بس القاعده ترضه
...
المهم ما اريد اطول عليكم السالفه سالت واحد من القروش وين يودي هذا الدرب خالي ؟؟؟ كال خالي تروح بوجهك عدل وتلاكيك بعدين فلكه تشمر منها على اليسار وتروح النوب بوجهك عدل على القطب الشمالي ... كتله خالي الله يوفقك وينطيك قروشه بت حلال على كدك وتجيبون قريشي يشبه المالكي ان شاء الله كال الله يسمع منك ... فعلا كصيت سبح على الفلكه وشمرت على اليسار والنوب رجعت اسبح 220 ساعه بالكيلو يعني كله صواريخ بحريه وطوربيدات سباحه يا جماعة الخير ... طبعا اول ما دخلت القطب الشمالي اضطريت اشغل كاسحات الجليد اليدويه لان انجماد تام ... واستقبلتني كل الدببه القطبيه هناك استقبال يا جماعه ما اكدر اوصفه الكم خلوها بعدين اسولفلكم عليها
... المهم انه شفت هناك مسوين معرض مال صور حشاشة عراقيين سألتهم منين جبتو هاي الصور ؟؟؟ وشلون وصلت لهنا ؟؟؟ كالو جبناها تهريب لان اتفقنا ويا اعضاء بالحكومه والبرلمان على التهريب حالنا حال الناس
وهسه راح اشوفكم الصور شوفوها واتونسو عليها
سالم
[ندعوك للتسجيل في المنتدى أو التعريف بنفسك لمعاينة هذه الصورة]