جمهوري الحبيب ادري طال غيابي عليكم بس شنسوي تدرون انا مشهور كلش وهاي وراها يسموها ضريبة الشهره يعني اتخيلو من اطلع من البيت شيصير بالشوارع .. المرور ما يعرفون شلون ينظمون السير والورطه قصدي الشرطه مشغولين يبعدون الناس على الرصيف وما ينزلون على الشارع والمكاوير قصدي المغاوير جاهزه للتدخل السريع وفرق الاطفاء ما اتلحك اتطفي القلوب المحترقه والمشويات قصدي المستشفيات ما اتلحك اتعالج البنات الخربانات ... وكل هاي الهوسه والخبصه والخبيصه والطربكه بسبب المعجبين مالتي من اطلع من البيت وامشي بالشارع ..
بالله عليكم اتخيلو اذا امشي بالقمر شيصير ؟؟؟ اكيد كل الكواكب تجمع علمودي .. أكولكم دتشوفون اشكد اني مكروه وشايف نفسي .. هع هع ..
المهم اليوم جمهوري العزيز جايبلكم شي خطير جدا وهو من اسلحة الدمار الشامل النسواني
أخطر 6 كلمات عند البنات هي :
1- ماشي :
هاي الكلمة تستخدمهة البنية حتى تنهي النقاش و انت لازم تسكت و نصيحة اذا كالتهة .. لازم تختصر
2- ولا شي :
هذا الهدوء الي يسبق العاصفة و هذا يعني انه اكو شغلة جبيرة واذا سمعتها لازم توكف على رجليك
3- لا عادي :
و هاي من اخطر التصريحات اللي يمكن ان تكولهة البنية للولد و تعني ان البنية تريد التفكير مطولا و بعمق قبل ما تخليك تدفع الثمن غاليا وكتهه أعرف ان الوضع أبدا مو عادي مثل ما دتكول
4- براحتك :
هاي كلمة تحدي و تحذيرية و ليست إذناً .!!! بالعربي يعني اذا انت رجال و عندك شوارب اكسر كلمتها وشوف !
5- لا شكرا :
يعني انه الغضب قد وصل حده وقرب الانفجار وسوف تحل عليك اللعنة قريبا واطفر احسنلك !!
6- اهااا :
يعني انها جانت شاكه بشغلة وانت أكدتها يعني حاول تلطف الجو قبل ما تجيب أجلك
يا شباب ويا زلم انتبهو وحافظو على حياتكم من اسلحة الدمار الشامل النسواني
]
