دارميات عراقيه اصيله

شلونكم ياطيبين حبيت اشار بهذه الابيات عن وضع العراق

دشيب ياراسي كبل وكتك دشيب\منهوا اليلومك ياخايب لو شبت
وطيب ياجرحي بجياد دواك طيب\باجر دوى الذل يعيرك لو طبت
الامثال تضرب نادر ماتخيب\هاذي حكمه ناس كبلك شافت جربت
ولاتعجب مابقى عنده شي عجيب\باوع غيوم الشتا تراب امطرت
وهو من صار العرق وصفه طبيب\وبيه بنات بيوت شربت وسكرت
وهو من صرنه خدم عند الغريب\ وظماير بينه ماتت وسكتت\ وهو من صرنه نشابه تل ابيب\ كلي شنوا تفسيرك لعطلته السبت

مقفول باب الكلب سلمتك المفتاح
ينفتح بس الك لمن تجي وارتاح

اشما امشي وية اصحاب اذكر محبتك***اذكرني حتى ارتاح ذمة بكبتك

تدري اشوكت انساك ولخاطري اتهون*** من تلكة اسمي هناك بزاخو مدفون

خيط وخرز ضليت سبحة انا بيدك*** مو صوجي صوج الروح هية التريدك

مجبور ادك ارقام تجبرني ايدي*** دم كلبي اخلصة اعليك مو بس رصيدي

فهمني يالمحبوب موقف حضرتك***بالكلب كاعد ليش قابل غرفتك
لا تظن يوم انساك يل تسوة كلشي*** تسوة العدل والمات ولتوة يمشي

اخطب شلع بالناس والساحة تشهد*** واعلن حضر تجوال لو غثك احد

شما اكتب الكلمات ما توصفلكم*** شكد كلبي يحمل شوك واشكد احبكم

ما تشكي روحي الضيم بس تشكي*** فركاك وكلبي يسولف بيك ما يرضة ينساك

مقصر واظل مديون بس ماني ناسي*** واسمك يظل مرفوع دوم اعلى راسي

صح ملتهي بدنياي بس ما نسيتك*** بين الرمش والعين يالغالي بيتك

صدكوني ما مرتاح يلروحي عدكم*** لو ادري هيج اشتاك جا ما عاشرتكم

اشما امشي وية اصحاب اذكر محبتك***اذكرني حتى ارتاح ذمة بركبتك

كون اللي راح يعودواني اعتنيلك \هم مثلي انتااتصيرتسهربليلك
امشي وادور الروح يمك عفتها \بس كلي تنسى شلون من عذبتها
موطيب اني وياك ياأعزأنسان\تنسى الموده شبيك شمدريني بطران
كالولي راح الزين للغير رايح \راح وخذالي الروح خلاني طايح
تنشدني عن هواي وهوه التركني\خلاني للحسرات ياهواليفكني

اخويه حميد العيسى

الان انت اثبتت انك فنان بذوق فني دارموي جميل جدا ..

عاشت الايادي


سمير الناصر