زهيريات من العراق والخليج العربي - شاركونا

اخي ايكو - ابو خالد
السلام عليكم
يسرني ان احييك على هذه المشاركه الجميله وعلى مشاركاتك السابقه واتمنى ان يستمر دائما جديدك المتميز في كافة المواضيع وبارك الله بك ..

شمعه

السلام عليكم
الله يحفظك اخي الغالي المدير العام ويبارك بيك ويساعدنا الله ونساهم بما يفيد منتداكم واللي اتمنى من كل قلبي بان يكون منتدى وبيت وخيمة تجمع العراقيين سواء اللي بالداخل او بالخارج ويكونون على تواصل من خلالكم
وهاي الزهيري لعيون المدير العام
وهي للشاعر المبدع عريان السيد خلف

يا زين مرني وســل عنــي وعــن منزلي
تلكَاني أحبك وأبد عن شوكَي ما منزلي
لا والكـــتاب الــذي مـــن الـعرش منزلي
أحـــلف يظــــل يا حلو بينك وبيني وصـل
ومهما تباعد علي أتعــــنه يمــــك وصل
كون تعرفــني أنا من يا حمــــولة وأصـل
جـــان نزلت دمعتك من هيبتي ومـنزلي


[b]

الاخ ايكو

ابداع متميز من مشاركاتك الاولى .. شكرا لك وننتظر منك المزيد

ليلى السراج

السلام عليكم
بارك الله بيك اخي المدير العام وربي يحفظك ويحميك وهذا من طيب اصلك . ان شاء الله ربي ان نكون عند حسن الظن بنا .
الف شكر اختي الغالية ليلى السراج على الرد الجميل ونسال الله لكم دوام الصحة والعافية والنجاح
وهذا زهيري من اروع ما قال الشاعر عريان السيد خلف

يادمـــعة العين ســــالت عالــخدود وجرت
ومثلي على الناس ماصارت مصيبة وجرت
والــــنار يا صــــاح شبَت بالدلـــــيل وجرت
اتطـــــول يـــــد النــــذل وانه كَــصرت يدي
وظـــــل جرح الكَلـــــب يا هـــــــالربع يدي
ليه ماتــــــراعون حــــكَللمصــــطفى يدي
معـــــلوم مذنب لجـــــن لا ما طغيت وجــرت
xxxxxxxxxxxxxxxxxxxxxxxxxxxxx

وهاي لشاعر للاسف مجهول
عالجت نفسـي على العـادات ما طاعـت
أمـرار هـددتـها بالحبـس ما طاعـت
سـايلتـها بـالـرضـا والله ما طاعـت
النفــس هـاذي بمـا عـودتـها تعتـاد
أطمــع لهـا بالفضيلـة علّـها تعتـاد
وإحذر تخدعك على الخسه تـرى تعتـاد
أوصيك تصعـد بهـا للعـز إن طاعـت

تقبلوا تحياتي[/b]

السلام عليكم
- تحياتي لك اخ سمير الله يحفظك يا طيب .


يابو شفاف التشع نور وفرح فاكهه
بيبان ودك شجاها تقفلت فاكها
بحروف حبك حرت لساع ما فاكها
لادين عندك الي ولا ليه عندك طلب
ولا هزلي مسلبه ورايد وراها طلب
لاجن بعدلي رجا ومن فضلك اطلب طلب
راجت خدودك وأنا كط ما ضكت فاكهه

xxxxxxxxxxxxxxxxxxxxxxxxxxxxxxxxxxxxxx

راح ونشدت الكلب تسلا وابد ما سلا
سليت من ابتعد عني وهو ما سلا
أسأل عليه اليمر شو صاحبي ما سلا
عني ولا كال ولفي ما حسن خاطره
مرتاح روحه بفرح من عكبي لو خاطره
ما ادري جلمة عتب بلساني لو خاطره
بايعني بتراب محوبي الجنت ما س أله

xxxxxxxxxxxxxxxxxxxxxxxxxxxxxxxxxxxx

خشف النحرني بعفج وبشارع العكبه
يضوي بنور الكمر من وجنته العكبه
كتله الوعد ياترف كال اصبر لعكبه
واصبح شريج العكل وعلى الكلب مالك
مدلل تكول الخلك هذا الولف مالك
تنشدني الناس بالله تسودنت مالك
شلي بعد بالعكل يا ناس من عكبه

[b]

السلام عليكم
الله يحفظج اختي الغالية الارمنية
وعاشت ايدج بالصميم والله


يا بالحسن ضاكَـ صدري والحشا حامي
من جور دهري عليَّ ابسطرته حامي
مامن مجيرن سواكم للدخل حامي
هاليوم قلَّتْ ياحيدر حرفتي والحيل
والسمع مني ذهب بعد الظهر والحيل
عني توانو جفوني خلِّتي والحيل
وامسيت جتَّان ياحامي الحمىحامي
xxxxxxxxxxxxxxxxxxxxxxxxxxxx

دار الملوك اظلمت عكَب الضوة بسروج
يهناك دمعي يكت إعله الوجن بس روج
والخيل لمن تردَّت واضلعت بسروج
والكدش اصبح لها عزمٍ شديد وباس
والزين دنَّكَـ على جف الزنيم وباس
والشهم لو عاشر الأنذال ما هو باس
من جلَّة الخيل شدو عل جلاب اسروج
xxxxxxxxxxxxxxxxxxxxxxxxxxx


[b]

اخويه ايكو

كلام السيد المدير صحيح .. يعني الحجي بيني وبينك انا اشوف انه اختنا المشرفه العزيزه الارمنيه ((مثل ما ايكولون اهلنا بالعاميه .. ذبتك كشر )) ... هسى انا اريد اشوف الزهيريه الجوابيه مالتك عليها تكدر يعني لو لاء ؟؟؟

تسلم اخي العزيز

سمير الناصر

شمعه كتب:

الاخ ايكو - ابو خالد

الارمنيه راح تجبرك تطلع تقاعد لان اتفوقت عليك تفوق ساحق ... واذا استمر التفوق وصعد الى درجة ماحق حتى التقاعد هم بعد ميفيدك

تحياتي لكم ايها الاحبه الاعزاء

شمعه

ههههههههههههههههههه اخوية المدير العام عمي ابو خالد هو الخير والبركة

وهو ابو الزهيري احنا وين نصير يمة صفر ع اليسرى

واذا الشغلة بيها تقاعد ورواتب فافضل ان اطلع اني ع التقاعد هههههههههههههههه

حياك الله اخوية العزيز ..... تسلم

سمير الناصر كتب:

اخويه ايكو

كلام السيد المدير صحيح .. يعني الحجي بيني وبينك انا اشوف انه اختنا المشرفه العزيزه الارمنيه ((مثل ما ايكولون اهلنا بالعاميه .. ذبتك كشر )) ... هسى انا اريد اشوف الزهيريه الجوابيه مالتك عليها تكدر يعني لو لاء ؟؟؟

تسلم اخي العزيز

سمير الناصر

هههههههههههههههه خجلتوني اخوان اشكركم بحق على كرمكم معي

وعمي اني واخوية ابو خالد احسن اثنين ننتقي اجمل الزهيريات مو هيجي ابو خالد لو شتكول انت

تسلم اخوية العزيز ...... تحياتي

السلام عليكم
الله ... يا سلام ... عاشت الايادي اختي الغالية الأرمنية
خو السيد المدير ماكو لا جائزة ولا وسام ولا درع
الاخ سمير الناصر شاركونا افراحنا بالزهيري
الاخت ليلى السراج خلي بصمتج بهالموضوع
- يا جماعة ومن غير مديح ولا غاية ولا مجاملة
الارمنية فعلا تخلي الواحد يحتار شيرد على مواضيعها وردودها وانا كايلها هناك بعنكاوا مو هنا كلت لها باحد ردودي لا تستغربين بيوم من تلاكين ايكو ناين ما مخلي شي برده غير اسمه لان مو من السهل تلاكي كلمات تناسب اختيار الارمنية لردودها ومواضيعها فيظل الواحد محتار شنو يكتب وشنو يختار من كلمات تناسب مقامها واللي اكيد يتخلى عالراس واتشرف ويزيدني فخر انه رصيدي من الاخوات ارتفع الى 4 ثلاث منهن بنات امي وابوي والرابعة الارمنية الغالية ... ومن غير يمين مابيها اي مجاملة ولكنه احساس الاحترام والتقدير لها ...


يا من غرامه ورود حشاي شيبها
وبناظري من سهام البين شي بها
كل المحـاسن درت ماشوف شي بها
حبك شدهني عن الطاعات وألـهـاني
وأحرق ضميري وأنـا مجروح ولـهـاني
عند المواصل صحت يا نـاس ولـهـاني
الزين قبلي لقلوب الناس شيبها

xxxxxxxxxxxxxxxxxxxxxxxxxxxxxxxxxxx

شمطيحك يا قلب بحبــــالهم و شراك
هذا الذي أنحلك سقم الهوى وشراك
صاحب اللي ما رهم وشره على وشراك
من بحر جوده ولا له بالوصال جدود
عنهم تنحيت ونيران الصدود و جود
عاشر اصيل كل ما طال الزمان أيجود
لو صابتك نايبه بــاع العمر وشراك

xxxxxxxxxxxxxxxxxxxxxxxxxxx

قلبـي دعيته من الفرقــا كمــا منخـل
والكبـد ذابـت تكـول امطلّعَــهْ من خـل
ماكـو خليـلٍ مـرض الاّ جِفــا من خِـل
عذّبتنـي يـا مليــح الــزول و الوكفـه
يازيــن زولـك اذا هــو اقبـل او اكفـه
خُبـْري بـك العــام اذكـر ليلـة الوكفـه
واليـوم دارت سنـه وعقلـي غـدا مِنْخـل

xxxxxxxxxxxxxxxxxxxxxxxx

من دون كل الخلك كمــــت وصحت ياهله
هذا الينشف الدمــــع مـــن الجفن ياهله
شما طال بيه العمر روحـــــي تظل ياهله
لن اليحب منعذر لوظــــــــــل بلايه عكل
ياما كبـــــــال الترف مالت وطاحت عكل
غلطان كلمن حجه وكال المسودن عكل
سودني آنه ابنكــــــم تره ودخيلكم ياهلــــه



[b]

السلام عليكم
اختي الغالية الأرمنية تسمحين لي ان اخرج من جو الزهيريات بردي هذا لان وصلتني رسالة وبيها كم بيت حبيت تشاركوني بيها ...
الرسالة من شخص عزيز على قلبي وما ادرري منين والمن الابيات ههههههههههههههههههه

تعب قلبي من الأصحاب
تعب قلبي من الأصحاب ... وحارت بيهم أبياتي
شخص صادق ,شخص كاذب .شخص يفرح لزلاتي
شخص يجرح بلا أسباب ... وشخص بلسم جراحاتي
بس وحدك أجمل الأحباب ... وحدك صرت في ذاتي
ولك وحدك معزة وشوق ... والك وحدك تحياتي


[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم شلونكم ياهلي ياعراقين ياناس ياطيبين انشاء لله الجميع بخير يارب
طبعا اخوكم هوايه احب اسمع زهيريات وشعر عن مايدور في واقعنا واقع العراق الجريح
لذا حبيت اسمعكم هذا الزهيري لان اني هوايه احب اسمعه واحسه يكع على الجرح مثل مايكولون

سود اليالي كصن بينه وجارالنه
نوبات اريح الجبد نوبات اجر ونه
عكب ماجنه ذرى للجار جان النه


اليوم صرنه دخله ويشفج علينا الجار
ويكفيك شر الدهر لو غدر بهله وجار
شيخ الثعالب تمرجل والاسد ساب وجر
وغصبن عليه رضينه بالخصم جار النه

والثاني يكول
روحي سواها القهر والبعد مرمرها
ودنياك لو ادبرت ماينحمل مرها
تخليك دار الاهل ماتكدر تمرها

ويشيخ بيها العفن واصبح صدرديوان
واهل المكارم اسف ماضلهم ديوان
مادام هذا الصفى مانكعد بديوان
ودار الي تعز النذل ولله مانمرها


وتحياتي اخوكم العاشق_1111

السلام عليكم شلونكم ياهلي ياعراقين ياناس ياطيبين انشاء لله الجميع بخير يارب
تعيشين بعز اختي الارمنيه
ومشكور اخي ايكو على ترحيبك بيه وتقبلوا هذا البيت وارجوا ان ينال اعاجبكم
تنشد عليك النفس وتريد أجابلها
وتريد شخصك يجي ومنين أجيبلها
هايم وأدور وره اطيوفك وأجوبلها

ذللت نفسا كات الها مقاما علي
جانت ماتذل بس للعزيز العلي
يالفاركتني وجنت احن من امي علي
اكعد يم دارك ودايم أجابلها