جبتلكم طريقة جديدة لعمل المقلوبة وهيه طريقة سهلة وريحتها كولش مشهية و ما احجيلكم عالطعم كولش طيبة
وهالمرة مقلوبتنا مميزة بطمعها اللذيذ ولونها الجديد والي يختلف عن المقلوبة الي لونها احمر والي نستخدم بيها
معجون الطماطة ولو هيه هم طيبه بس نحتاج شويه تغيير من حين الى أخر :47:
وهاي طريقتها وان شالله تجربوها وتعجبكم :
نسلق اللحم ونبقي بيه مي بقدر يغطي اللحم بعد ما يستوي وبعدين نحمس بصل هواية تقريبا 4 بصﻻت كبار وعلى نار هادئة الى ان يشقر لونه شقار غامق ونضيفة للحم ونهدي النار ودتشوفون لون اللحم مائل للون السكري هذا لون البصل من يختلط بمي اللحم وبعدين نقلي بطاطا فنكر ونضيفه فوك البصل واللحم وطبعا اكو مي لحم وبعدين بجدر ثاني نسوي تمن وشعرية تطبيق ونضيف دارسين يعني لكل 3 كﻻصات تمن نضيف ملعقة اكل كبيرة دارسين ومن ينشف نضيفة عاللحم ويتهدر وياه ومن نقلبهة راح ينزل مي اللحم الي صار صلصة عالتمن والف الف عافية ..
[ندعوك للتسجيل في المنتدى أو التعريف بنفسك لمعاينة هذه الصورة]
